遺傳性脫髮可以話係每一個男人都可能會面對嘅問題。MR K， 人稱收成期K叔，喺社會有咁上下地位，一份工打足20年，假假哋都叫做中產，最大Stake in the society就係生咗個囡，即係我。最近K叔突然好懷舊，一到週末除咗發下夢，仲要搵埋我週圍去細個成日去嘅地方行街，再唔係間唔時又會攞下以前啲相，講下舊時香港有幾好，遍地黃金，努力就有收獲，又懷緬下佢年輕有幾搏，搏到連頭髮都甩到七七八八。到底脫髮遺傳呢樣嘢真唔真？及早預防嘅話有冇得改變命運？
遺傳性脫髮真係無得救？
「唓 ，關咩事啫！脫髮嘅野，擺明就係亞爺遺傳俾你喇，你呢啲係遺傳性脫髮黎架喇…. 」講講下又係喎，家族入面大部份男仔20歲起頭都開始有脫髮危機，最後生個堂細佬今年18歲，都有啲脫髮M字額喇。唔通？遺傳性脫髮真係無得救？！！！
「細個幫你用白蘭地搽喺頭髮度，我都宜家都仲記得』『嗰陣個同事話白蘭地日日咁搽可以防脫髮嘛！ 」點知俾佢老點咗幾個月，毛都生唔到條出黎，仲係咁脫髮。X！
望住瀏海逆留嘅大叔(搭棚式遮蓋脫髮好多年)，我心靈感應到佢一定係後悔當年無好好咁防遺傳脫髮，而聽信江湖術士用白蘭地防脫髮。結果… …唉，少壯不努力防脫髮，老大徒傷悲呀！ 現時個頭頂地中海M字額更加明顯，已經遮都遮唔住。
堂哥抵禦脫髮遺傳魔咒的秘密
遺傳性脫髮真係好難搞，堂哥就好有先見之明，聞說佢喺25歲啱啱出黎做野無幾耐嗰陣，已經好識得預防脫髮，好捨得花錢喺生髮革命上，今時今日佢就黎37歲，都叫做係脫髮家族中唯一一位男人係暫時黎講抵禦得到脫髮遺傳呢個魔咒。佢做咗啲咩防脫髮攻勢？
聽K叔講，佢有偷偷地去植髮，但發現植返黎啲頭髮都唔夠甩，又好假 (咁有一排真係見到佢頭髮好濃密，但有點兒硬膠咗)，使咗差唔多10萬去植髮結果覺得好浪費錢。然後佢又去做微針生髮活髮，一開始做見唔到咩生髮效果，但好彩佢係一次過買咗一個Package (Package嘅野，買定唔買，買得起先好買！)，結果佢試咗幾個月之後終於見到效果，起碼，佢係止咗血，擺脫咗脫髮遺傳危機，髮量都無乜點少到。係幫啲頭髮再strong啲，可以話係活髮。雖然堂哥頭髮就唔算係好濃密嗰種，但起碼唔使步瀏海逆留大叔s的後塵。
作為遺傳脫髮家族一份子，女仔就比較幸運啲，但都唔可以掉以輕心，呢幾年因為成日染又電髮，搞到啲頭髮以前係好濃密同無咁易斷，宜家日日洗完頭，脫髮量多咗，而且斷髮都多咗，睇下都要慳返幾個錢有機會做下Treatment先，避免出現遺傳性脫髮問題。